Download PhotoЕсүс Христийн Хожмын Үеийн Гэгээнтнүүдийн Сүмийн Тэргүүн зөвлөл болох ерөнхийлөгч Даллин Х.Өүкс; нэгдүгээр зөвлөх, ерөнхийлөгч Хэнри Б.Айринг; хоёрдугаар зөвлөх , ерөнхийлөгч Д.Тодд Кристоффэрсон нар Христийн амилсны баярын захиасыг хуваалцав:
Магдалын Мариа нөхдийнхөө хамт гашуудсаар Бунхант цэцэрлэгт очих үед тэдний өмнө хоёр тэнгэр элч үзэгдэж, бүх Христийн шашинтныг сэрээх дараах үгсийг айлджээ:
“Та нар юунд үхэгсдийн дунд амьд Нэгэнийг хайна вэ?
“Тэр энд байхгүй, Тэр амилсан” (Лук 24:5–6).
Энэхүү Христийн Амилсны баярыг тохиолдуулан бид ч мөн адил Есүс Христ амилсан гэсэн мөнхийн үнэнийг баяр хөөртэйгөөр гэрчилж байна. Тэр амьд билээ! Дэлхийн Аврагч цовдлогдон, гурван өдрийн дараа “нойрсогсдоос анхны үр жимс” (1 Коринт 15:20) болж амилсан юм. Түүний амилалт бүх хүн төрөлхтөнд амилах боломжийг олгосон бөгөөд ач ивээлээр нь бид “бүх оюун ухааныг давах Бурханы” (Филиппой 4:7) амар амгаланг олж мөн “түүгээр төгөлдөржи[ж]…” (Моронай 10:32) чадна.
Бид хүн нэг бүрийг Христийн Амилсны баярын энэ цаг үед “бошиглогчид болон төлөөлөгчдийн тухайлан бичсэн энэ Есүсийг эрэлхийл[эхийг]” урьж байна (Ифер 12:41). Ийн үйлдсэнээр Христийн амилсны баяр нь “[ү]хлийг ялж, хүнийг чөлөөлж, Христ тийн ялалт байгуул[сан]” (“Христ амилсан!” Дуулал, д. 105) хэмээх таны итгэл гэрчлэлийг батжуулна гэдгийг бид гэрчилж байна.
Тэргүүн зөвлөл