Download PhotoАхлагч Гэррит В.Гонг 2018 оны 3-р сарын 31-ий өдөр Есүс Христийн Хожмын Үеийн Гэгээнтнүүдийн Сүмийн Арван хоёр төлөөлөгчийн чуулгын гишүүнээр дэмжин батлагдсан. Тэрээр 2010 оны 4-р сарын 3-аас Арван хоёрт дуудагдах хүртлээ Далын ерөнхий эрх мэдэлтнээр үйлчилж байсан бөгөөд 2015 оны 10-р сарын 6-д Далын ерөнхийлөгчийн зөвлөлийн гишүүнээр томилогдсон. Ахлагч Гонг 2011-2015 онд Хонконгт төвтэй Азийн бүсийн ерөнхийлөгчийн зөвлөлийн гишүүн байсан бөгөөд Бүсийн ерөнхийлөгчийн үйлчлэлээсээ буусан байна.
Ахлагч Гонг 1977 онд Бригам Янгийн Их Сургуульд Ази судлал ба Их сургуулийн судлалын чиглэлээр бакалаврын зэрэг хамгаалсан. Тэрээр 1979 онд Оксфордын Их Сургуулийг философийн магистр, 1981 онд Родсын тэтгэлгээр суралцаж, олон улсын харилцаагаар докторын зэрэг хамгаалсан. Тэрээр 1985 онд АНУ-ын Төрийн Департаментын мужийн орлогч нарийн бичгийн даргын тусгай эрхт туслах, 1987 онд БНХАУ-ын Бээжин дэх АНУ-ын Элчин сайдын тусгай эрхт туслахаар тус тус ажиллаж байсан байна. 1989 оноос хойш тэр Вашингтон ДС дахь Стратеги, Олон улсын судалгааны төвд хэд хэдэн албан тушаал хашсан. Тэрээр 2010 оны 4-р сар хүртэл Бригам Янгийн их сургуулийн ерөнхийлөгчийн төлөвлөлт, үнэлгээ хариуцсан туслахаар ажиллаж байжээ.
Ахлагч Гонг бүрэн цагийн номлогч, дээд зөвлөлийн зөвлөх, дээд пристийн бүлгийн ахлагч, гадасны Ням гарагийн ангийн ерөнхийлөгч, семинарын багш, бишоп, гадасны номлолын ерөнхийлөгч, гадасны ерөнхийлөгч, Бүсийн Дал зэрэг Сүмийн олон дуудлагад үйлчилсэн.
Гэррит Волтэр Гонг нь Калифорни мужийн Рэдвүүд Ситид төрсөн. Тэрээр 1980 оны 1-р сард Сюзан Линдсэтэй гэрлэсэн бөгөөд тэд дөрвөн хүүхдийн эцэг эх, дөрвөн ач зээгийн эмээ өвөө юм.