Боломжтой хэвлэлүүд
Арван хоёр төлөөлөгчийн чуулгын ахлагч Нийл Л.Андэрсэн, Монгол Улсаас АНУ-д суугаа элчин сайд Өлзийдэлгэрийн Батбаяртай хамт 2024 оны 12-р сарын 3-ны мягмар гарагт Есүс Христийн Хожмын Үеийн Гэгээнтнүүдийн Сүмийн Вашингтон ДС ариун сүмийн эргэн тойрон дахь 500,000 гаруй баярын гэрлийг асаалаа.
Сэрүү орж, баярын улирал ойртон, хүсэн хүлээсэн Христийн мэндэлсний баярын уур амьсгал ирлээ. Хэдхэн долоо хоног үлдсэн учраас өнөөдөр хувиараа, гэр бүл, тойрог, гадсаараа сайхан сэтгэлийн бяцхан үйлдлээр Дэлхийг гэрэлтүүлцгээе аянд хэрхэн нэгдэх талаар төлөвлөж эхэлье. Энэ жил Есүс Христийн Хожмын Үеийн Гэгээнтнүүдийн Сүмийн Азийн хойд бүс дэх гишүүдийг энэрэл, үйлчлэлээрээ дамжуулан найзууд, хөршүүд, хүрээлсэн хүмүүстээ хүрч, гэрлээ цацруулахыг урьж байна.
Азийн хойд бүсийн ерөнхийлөгчийн зөвлөлөөс Америкийн болон Сүмийн 200 орчим жилийн түүхэн чухал үйл явдлууд, Азийн хойд бүс нутгийн түүхэн зургууд болон Аврагчийн амьдралыг харуулсан үйл явдлуудыг дурсах 2025 оны цаглавар гаргаж байгаагаа зарлав. Энэхүү онцгой цаглавар нь Есүс Христээс ирдэг адислалууд болон олон жилийн турш үргэлжилсэн итгэлийн баялаг өвийг мэдрэх боломжийг гишүүдэд олгоно.
