Сэрүү орж, баярын улирал ойртон, хүсэн хүлээсэн Христийн мэндэлсний баярын уур амьсгал ирлээ. Хэдхэн долоо хоног үлдсэн учраас өнөөдөр хувиараа, гэр бүл, тойрог, гадсаараа сайхан сэтгэлийн бяцхан үйлдлээр Дэлхийг гэрэлтүүлцгээе аянд хэрхэн нэгдэх талаар төлөвлөж эхэлье. Энэ жил Есүс Христийн Хожмын Үеийн Гэгээнтнүүдийн Сүмийн Азийн хойд бүс дэх гишүүдийг энэрэл, үйлчлэлээрээ дамжуулан найзууд, хөршүүд, хүрээлсэн хүмүүстээ хүрч, гэрлээ цацруулахыг урьж байна.
Энэхүү үйлдлийг нь урамшуулж, чиглүүлэхээр Дэлхийг гэрэлтүүлцгээе аяны Христийн мэндэлсний баярын зурагт хуудсыг тойрог салбаруудад 11-р сарын сүүлээр тараах болно. “Гацуур модоо чимцгээе!” уриатай, үзэмж төгөлдөр уг зурагт хуудас нь гэр бүл, хувь хүмүүс 12-р сарын турш чимэглэж болох том гацуурыг багтаасан. Энэ нь түүнчлэн сайхан сэтгэлийн үйлдлийг төлөөлсөн наадаг зургуудтай хамт ирэх ба гишүүдийг өдөр бүрийн үйлдлээ баярын улирлын уур амьсгалтай холбохыг урамшуулах юм. Гацуурт наах наадаг зураг бүр тусламжийн гараа сунгахаас авхуулаад урмын үг хэлэх гээд Христийнхтэй адил үйлдлийг бэлгэддэг.
Дэлхийг гэрэлтүүлцгээе аяны Христийн мэндэлсний баярын зурагт хуудсыг гэртээ байрлуулж, Христийн жишээг тунгааж, бусдад хэрхэн гэрэл авчрах өдөр тутмын сануулга болгохоор бүтээсэн билээ. Гишүүд наадаг зургуудыг наахдаа бяцхан үйлдлээрээ дамжуулан дэлхийг хэрхэн гэрэлтүүлэхээ тунгааж, төлөвлөж, хэрэгжүүлэх урилгад нэгдэж буй хэрэг юм. Зурагт хуудасны загвар нь гэр бүл, хувь хүмүүс өөрсдийн цаг зав, зорилго, нөхцөл байдалд тохируулан, бүтээлч, уян хатан байх боломжийг олгодог. Энэ нь түүнчлэн сайхан сэтгэлээ түгээх аянд найз нөхөд, хайртай хүмүүсээ нэгдэхийг урих сайхан бэлэг болох юм.
Зурагт хуудаснаас гадна, наадаг зургууд нь найз руугаа залгах, бусадтай мэндчилэх, хэн нэгний төлөө залбирах, хандив өргөх, хоолоо хуваалцах зэрэг тодорхой үйлдлүүд хийхэд хөтөлдөг. Энэ материал нь гишүүдийг өдөр бүр баяр хөөрийг мэдрэнгээ үйлчлэх үедээ Христийн мэндэлсний баярын уур амьсгалыг хадгалахад урьдаг.
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Аяны захиасыг түгээхээр гишүүдийг уг зурагт хуудсыг хэрхэн ашиглаж байгаа зургуудаа #ДэлхийгГэрэлтүүлцгээе хаштаагтайгаар олон нийтийн сүлжээндээ оруулахыг урамшуулж байна. Бүтээлч сэтгэлгээ, үйлчлэлийн зүтгэлээ хуваалцсанаар гишүүд бусдыг дэлхий дахинаа сайхан сэтгэл, гэрэл гэгээг тэмдэглэхэд нэгдэхэд нөлөөлж чадна.
Дэлхийг гэрэлтүүлцгээе аяны Христийн мэндэлсний баярын зурагт хуудсыг 11-р сарын сүүлээр цуглааны байрнаасаа аваарай. Энэхүү материалын тусламжтайгаар гишүүд хамт цуглаж, сайхан сэтгэлийн бяцхан үйлдэл бүрээрээ дэлхийг гэрэлтүүлж чадна.