Дэзэрэт Олон Улсын Энэрлийн Байгууллагын (ДОУЭБ) төлөөлөгчид; Ажлын албаны дарга Г.Түвшинжаргал, Олон нийттэй харилцах албаны захирал С.Насанболд, 2025 оны 1 дүгээр сарын 30-нд Дорнод аймагт ажиллаж, хүүхдийн боловсрол, эрүүл мэндийн салбарт хэрэгжиж буй төслүүдийг хүлээлгэн өглөө.
ДОУЭБ нь Хэрлэн сумын 12, 15 дугаар цэцэрлэгүүдэд шаардлагатай гал тогооны тоног төхөөрөмжийг хандивлалаа. Энэхүү хандив нь хүүхдийн хоол хүнсний чанарыг сайжруулж, эрүүл, аюулгүй орчинд хоол үйлдвэрлэх нөхцөлийг бүрдүүлэхэд чухал хувь нэмэр оруулж байгааг цэцэрлэгийн удирдлагууд дурдаж талархан хүлээн авсан юм.
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Үүнээс гадна тус аймгийн бүсийн оношилгоо эмчилгээний төвд 250 ширхэг зөөлөн эдлэл хандивлав. Энэхүү тусламж нь эмнэлгийн үйлчилгээний чанарыг сайжруулж, өвчтөнүүдэд ая тухтай орчин бүрдүүлэхэд чиглэсэн юм. Тус хандивыг хүлээлгэн өгөх арга хэмжээнд Аймгийн иргэдийн төлөөлөгчдийн хурлын хууль эрх зүйн хэлтсийн дарга Н.Бадрахцог, Дэзэрэт ОУЭБ-ын ажлын албаны захирал Г.Түвшинжаргал, Олон нийттэй харилцах албаны захирал С.Насанболд, БОЭТ-ийн ажилтан, албан хаагчид оролцлоо.
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Аймгийн Засаг даргын орлогч Ч.Ганбат тус байгууллагын төлөөлөгчдийг хүлээн авч уулзан, цаашдын хамтын ажиллагааны талаар санал солилцсоноос гадна Хэрлэн сумын засаг дарга бөгөөд Чойбалсан хотын захирагч С.Мөнхжаргалын хамт Тусгай хэрэгцээт хүүхдийн сургалтын орчинтой танилцав.
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ДОУЭБ нь дэлхийн 200 гаруй улсад хүмүүнлэгийн чиглэлээр үйл ажиллагаа явуулдаг ба Монгол Улсад 30 гаруй жилийн турш эрүүл мэнд, боловсрол, нийгмийн хөгжлийн салбарт олон төсөл хэрэгжүүлж ирсэнээс гадна Дорнод аймагт сүүлийн 20 гаруй дээрх арга хэмжээнүүдийг хэрэгжүүлсээр байна.