Есүс Христийн Хожмын Үеийн Гэгээнтнүүдийн Сүм нь 2025 оны 9-р сарын 28-ны Ням гарагт хэвлэл мэдээлэлд дараах мэдэгдлийг гаргасан:
“Өнөөдөр Мичиган мужийн Гранд Бланк хот дахь Есүс Христийн Хожмын Үеийн Гэгээнтнүүдийн Сүмийн цуглааны байранд эмгэнэлтэй, хүчирхийллийн үйлдэл гарлаа. Ням гарагийн цуглааны үеэр буутай этгээд гал нээсэн бөгөөд урьдчилсан мэдээллээр хэд хэдэн хүн шархадсан байна. Үйл явдлын талаар дэлгэрэнгүй мэдээлэл гарах хүртэл орон нутгийн хууль сахиулах байгууллагуудтай хамтран ажиллахыг хүсэж байна.
Мөрдөн шалгах ажиллагаа үргэлжилж байгаа бөгөөд сүм орон нутгийн хууль сахиулагчидтай холбоогдон шархадсан хүмүүсийн биеийн байдлын талаар мэдээлэл авч байна. Хохирогчид болон тэдний гэр бүлд тусалж буй онцгой байдлын ажилтнуудад талархал илэрхийлье.
Дэлхийн өнцөг булан бүрээс ирж буй залбирал, санаа тавьсан сэтгэлд гүнээ талархаж байна. Гашуудал, тодорхойгүй байдалтай үед бид Есүс Христэд итгэх итгэлээрээ хүч чадал, тайвшралыг олдог. Цуглааны байрууд нь энх тайвныг эрэлхийлэх, залбирах, холбогдох ариун нандин газар байх ёстой. Бид энэ үйл явдалд өртсөн бүх хүмүүсийн амар амгалан, эдгэрлийн төлөө залбирч байна.”
Хэвлэл мэдээлэлд зориулсан тайлбар: Энэхүү мэдэгдлийг Сүмийн хэвлэлийн төлөөлөгч Даг Андерсенээс иш татаж болно.
Download Photo