Дэзэрэт Олон Улсын Энэрлийн Байгууллагаас долоон мянган ам.долларын үнэ бүхий хэт богино долгионы эмчилгээ, лазер болон амплипульсын аппаратыг Хөвсгөл аймгийн Мөрөн сумын Нэгдсэн эмнэлэгт хандивлажээ. Тус эмнэлэг 2014 оны 4-р сард тоног төхөөрөмжөө хүлээн авсан бөгөөд таван мянга гаруй хүн үйлчлүүлсэн байна.
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Тоног төхөөрөмж хандивлахаас өмнө уг Нэгдсэн эмнэлэг ойролцоогоор 130 000 гаруй хүнд үйлчилдэг. Хөвсгөл аймагт 1 нэгдсэн эмнэлэг байдаг бөгөөд сэргээн засах тасаг нь хамт байрладаг. Жил бүр дунджаар 5 000–6 200 орчим хүн сэргээн засах эмчилгээ авдаг. Тус эмнэлгээс 9 хүн мэргэжлийн сэргээн засах чиглэлээр сургалтад хамрагджээ.
Гэтэл тус тасгийн сэргээн засах эмчилгээний тоног төхөөрөмжүүд нь үйлчилгээнээс гарсан эсвэл үйл ажиллагааг нь доголдож байсан юм. Иймээс эмч нар өвчтөнүүдийг Улаанбаатар руу явж, эмчилгээ хийлгэхийг зөвлөдөг байжээ. Хөвсгөл аймгаас Улаанбаатар хот хүртэл нийт 675 км бөгөөд зам их муу тул явахад хүндрэлтэйгээс гадна цаг хугацаа их алддаг байв.
Ноён Ингланд Дэзэрэт Олон Улсын Энэрлийн байгууллагыг төлөөлөн өнгөрсөн 5 дугаар сард эмчилгээний тоног төхөөрөмжийг гардуулах үйл ажиллагаанд оролцоод ирсэн билээ.