| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Дэлхийн 176 улсад үйл ажиллагаа явуулдаг АНУ-д төвтэй Есүс Христийн Хожмын Үеийн Гэгээнтнүүдийн Сүм (ЕХХҮГС)-ийн Монгол дах салбар 2020 оны 4-р сарын 15-ны өдөр АНУ-аас захиж авчруулсан 10’000 маскыг ЭМЯ-д гардуулж өглөө.
Мөн манай сүм 40 сая төгрөгийн үнэ бүхий ариутгалын багц, Дулаан хөнжил болон Нярайн өлгийн багцуудыг ЭМЯ-нд 2020 оны 3 сарын 30-ны өдөр хандивлаж байсан билээ.
Монгол Улсад 26 жил үйл ажиллагаа явуулж байгаа Есүс Христийн Хожмын Үеийн Гэгээнтнүүдийн Сүм нь гишүүддээ шударга үнэн, ариун журам, нинжин сэтгэл, ач буянтай байхыг мөн сайн сайхныг үйлдэхийг заадаг тул гишүүд нь сайн дурын үндсэн дээр нийгмийн хариуцлагын хүрээнд олон сайн үйлсүүдийг хийсээр иржээ. Тэдгээрийн заримаас дурьдвал:
Монгол Улсад 2000 оноос хойш Хөгжлийн бэрхшээлтэй иргэдийн ТЭРГЭНЦЭР-үүдийг АНУ-аас үнэ төлбөргүйгээр ханган нийлүүлж байна. Тус тэргэнцэр дээрх “Дэзэрэт олон улсын энэрэл-Гэр бүлүүдийг бэхжүүлэх” гэсэн логогоор нь Монголчууд андахгүй мэддэг болжээ.
2019 оны Үндэсний өгөх өдрөөр Ид Шидийн Орон-2 төслийн сургалтын танхимын тохижилтод зориулан 10 сая төгрөг хандивласан; Өмнөх жилүүдэдэд мөн Ид Шидийн Орон-1, Ид Шидийн уут төслийг дэмжин ажиллаж ирсэн.
2019 оны зун 1000 ширхэг ариун цэврийн багц бэлдэн зорилтот бүлгийн Энэрэл эмнэлэг, сувилал, ахмадын асрамжийн газруудад хандивлааад байна;
2019 онд 12 сард “Бяцхан Үрсдээ зориулав” хэмээх нярайн багцуудыг өөрсдийн гараар оёж Хүүхдийн Төв Сувилал болон зорилтот бүлгийн ээж нарт хандивласан;
Ахиллас Интэрнэйшнл ТББ-аас зохион байгуулдаг Хөгжлийн бэрхшээлтэй иргэдийн Марафоныг 3 жил дараалан дэмжин ажилласаар байна.
“Ахмад настнуудаа ачлая” уриан дор асрамжийн газар байдаг ахмадууддаа зориулан 246 ш дулаан хөнжил хийв;
ЕХХҮГСүмийн гишүүд найз нөхөд, гэр бүлээрээ мод тарих, байгаль дэлхийгээ цэвэрлэх зэрэг сайн дурын үйлчлэлүүдийг уламжлал болгон жил бүр хийсээр байна.
Есүс Христийн Хожмын Үеийн Гэгээнтнүүдийн сүмийн гишүүд бид нийгмийн хариуцлагаа ухамсарлан бүгд сайн дурын үндсэн дээр баяр баясалтай үйлчилдэг бөгөөд нийгэмдээ эерэг хандлагыг бий болгохыг ямагт эрмэлзэн өөрсдийн эргэн тойрон, гэр бүлдээ сайн сайхан, эерэг уур амьсгалыг түгээхээр хичээцгээдэг юм. Сайн үйлс бүхэн дэлгэрэх болтугай.