| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
Ховд аймаг дахь Есүс Христийн Хожмын Үеийн Гэгээнтнүүдийн Сүмийн Ховд салбарын сүмийн байранд 2021 оны 10-р сарын 22-ны өдөр Америкийн Нэгдсэн Улсын Элчин Сайдын Яамны Нэгдүгээр нарийн бичгийн дарга, Улс төрийн хэлтсийн дарга Келли Базби, тус хэлтсийн ажилтан М.Номинцэцэг болон Ховд аймгийн Иргэдийн Төлөөлөгчдийн Хурлын Олон Нийттэй Харилцах Албаны дарга Б.Баяртуяа нар айлчилж сүмийн барилга байгууламж, үйл ажиллагаа, итгэл үнэмшил, сургаалын зарчмуудтай танилцаж шашны асуудлаар тус сүмийн удирдлагуудтай санал бодлоо солилцон халуун дулаан харилцан яриа өрнүүлсэн юм.
Энэхүү айлчлалын хүрээнд хүрэлцэн зочид төлөөлөгчид Ховд салбарын Ерөнхийлөгч Г.Нямдорж болон орон нутгийн гишүүдийн хамтаар хүмүүнлэгийн сайн үйлсэд нэгдэж, өөрсдийн хувь нэмрээ орууллаа. Ховд салбарын гишүүд Ховд аймгийн Хүчирхийллийн хохирогч хамгаалах байранд зочилж сүмийн гишүүдийн оёсон дулаан хөнжил, нярайн өлгийн иж бүрдэл мөн ариун цэврийн багцуудыг хандивлалаа.
Уг хохирогч хамгаалах байр анх 2019 онд ашиглалтад орсон бөгөөд Есүс Христийн Хожмын Үеийн Гэгээнтнүүдийн Сүм нь Дэзэрэт Олон Улсын Энэрэлийн Байгууллагаараа дамжуулан тус байранд нэн хэрэгцээтэй байсан унтлагын тавилга, зөөлөн эдлэл, хивс, гал тогооны тавилга, ажиглалтын камер зэрэг эд зүйлс бүхий 17 орчим сая төгрөгийн хандив тусламжийг 2020 онд үзүүлж байсан билээ.